پارٹی ابھی وفاقی کابینہ میں شامل نہیں ہو رہی، آصف زرداری

اسلام آباد (انتخاب نیوز) سابق صدر آصف علی زرداری نے پیپلز پارٹی کی وفاقی کابینہ میں شمولیت کی تردید کردی۔ صحافی نے آصف زرداری سے سوال کیا کہ کیا پیپلز پارٹی وفاقی کابینہ میں شامل ہو گی؟ اس پر آصف زرداری نے جواب دیا کہ ان کا خیال ہے ابھی پارٹی کابینہ میں شامل نہیں ہو رہی۔ اس سوال پر کہ آپ سارا بوجھ شہباز شریف پر ڈالنا چاہتے ہیں؟ آصف زرداری نے کہا کہ ہماری خواہش ہے کہ پہلے دوسرے دوستوں کو اکاموڈیٹ کیا جائے۔ ن لیگ کی ترجمان مریم اورنگزیب کا کہنا ہے کہ وفاقی کابینہ کا اعلان آج متوقع ہے۔