ایران میں سیلاب سے 90 افراد ہلاک، 8 لاپتہ

تہران (مانیٹرنگ ڈیسک) ایران میں سیلاب کے باعث کم از کم 90 افراد ہلاک اور 8 لاپتہ ہو گئے ہیں۔ایران میں انجمن ہلال احمر(آئی آر سی ایس)کے سربراہ پیر حسین کولیوند نے بدھ کے روز سرکاری خبر رساں ایجنسی ارنا کو بتایا کہ آئی آر سی ایس نے امدادی کارروائیوں کا آغاز کر دیا ہے۔ایرانی میڈیا کے مطابق ایران میں مون سون کی وجہ سے 2 ہفتے قبل آنیوالے سیلاب سے ملک کے 24 صوبے متاثر ہوئے ہیں۔