کسی کو افغانستان میں حملہ کرنے کی اجازت نہیں دینگے، افغان حکومت کا رانا ثنااللہ کے بیان پر ردعمل

کابل(مانیٹرنگ ڈیسک)وزیر داخلہ رانا ثنااللہ کے افغانستان میںٹی ٹی پیکے ٹھکانوں کو نشانہ بنانے کے بیان پر افغان حکومت کا ردعمل سامنے آگیا ہے۔ذبیح اللہ مجاہد کا کہنا ہے کہ کسی کو بھی افغانستان میں حملہ کرنے کی اجازت نہیں دیں گے، افغان حکام اپنے ملک کیخودمختاری اور کسی بھی بیرونی حملے کے خلاف دفاع کی بھرپور صلاحیت رکھتی ہے۔افغان وزارت دفاع نے رانا ثنااللہ کے بیان کو بے بنیاد دعوی اور اسے دونوں برادر ممالک کے تعلقات کو خراب کرنے کی سازش قرار دےدیا۔ مزید کہنا ہے کہ اگرچہ ٹی ٹی پی کے اپنے ملک میں ٹھکانے ہیں جس کے شواہد موجود ہیں مگر پھر بھی افغان طالبان اس مسئلہ پر بات چیت کے لئے تیار ہیں۔انہوں نے کہا کہ افغانستان پاکستان سے اچھے تعلقات کا خواہاں ہے، پاکستانی حکام کو بات کرتے ہوئے محتاط رہنا چاہیے۔افغان حکومت کے ترجمان ذبیح اللہ مجاہد کا کہنا تھا کہ کسی ملک کو دوسرے ملک کے علاقے میں حملہ کرنے کا حق نہیں ہے، دنیاکا کوئی قانون ایسی جارحیت کی اجازت نہیں دیتا، اگر کسی کو کوئی پریشانی ہے تو امارت اسلامیہ سے بات کرے، ہماری سیکیورٹیفورسز کارروائی کرسکتی ہیں۔واضح رہے کہ رانا ثنااللہ نے ایک انٹرویو میں کہا تھا کہ افغانستان نے ٹی ٹی پی ٹھکانوں کے خلاف کارروائی نہیں کی تو پاکستان افغانستان میں ٹی ٹی پی ٹھکانوں کو نشانہ بنا سکتا ہے۔