کوئی لیویز افسر رشوت میں ملوث پایا گیا تو سخت کارروائی ہو گی، نور محمد دمڑ

ہرنائی(مانیٹرنگ ڈیسک) صوبائی وزیر خوراک حاجی نور محمد دومڑ کی ہرنائی آمد کے وقع پر ڈی سی گارڈن مالی باغیچہ ہرنائی میں لیویز دربار کا انعقادکیا گیا۔ ہرنائی کے تمام لیویز اہلکاروں نے دربار میں شرکت کی۔ اس موقع پر ڈپٹی کمشنر ہرنائی محمد عارف کاکڑ اور اسسٹنٹ کمشنر ہرنائی فہد شبیر چیمہ نے بھی شرکت کی۔ دربار سے خطاب کرتے ہوئے منسٹر نور محمد دومڑ کا کہنا تھا کہ لیویز اور پولیس نے ہر صورت میں علاقے میں امن وامان کو بحال رکھنا ہوگا۔ ہم لیویز میں کھاتہ سسٹم نہیں چاہتے ہیں۔ اگر لیویز میں کھاتہ سسٹم کا پتہ چلا یا کوئی افسر اس میں ملوث پایا گیا تو اس کے خلاف سخت کارروائی ہوگی۔ لیویز اور پولیس علاقے میں امن وامان کو برقرار رکھنے کے لئے چوبیس گھنٹے اپنی ڈیوٹیاں سرانجام دیں۔ کسی کو علاقے خراب کرنے کی احازت نہیں دی جائے گی۔