پنجاب کی بھارتی قبضے سے آزادی کی تحریک، کینیڈا نے خالصتان ریفرنڈم کی باضابطہ اجازت دے دی

اوٹاوا (مانیٹرنگ ڈیسک) سکھ فار جسٹس کے رہنما گرپتونت سنگھ نے اعلان کیا کہ کینیڈا نے خالصتان ریفرنڈم کی باضابطہ اجازت دے دی۔ گرپتونت سنگھ نے بتایا کہ کینیڈا کی حکومت کی اجازت کے مطابق 23 نومبر کو بلنگز اسٹیٹ، اوٹاوا میں خالصتان ریفرنڈم کاانعقادکیا جائےگا۔ گرپتونت سنگھ نے کہا کہ حکومتی اجازت کینیڈا کی آزادی اظہار اور جمہوری عمل کے عزم کی تصدیق ہے، ریفرنڈم گولی کے مقابلے میں ووٹ کے ذریعے پرامن جدوجہد ہے۔ انہوں نے سکھ برادری سے پنجاب کو بھارتی قبضے سے آزاد کرانے کے لیے حق رائے دہی استعمال کرنے کی اپیل کردی۔ خالصتان تحریک کے حق میں کینیڈا کے مو¿قف نے مودی کی داخلی اور خارجی ناکامیوں کو عالمی سطح پر عیاں کر دیا۔