پاکستان سے آنیوالی پروازوں کیلئے افغانستان کی فضائی حدود بند نہیں کی گئی، افغان حکام

کابل (مانیٹرنگ ڈیسک) افغان حکومت نے پاکستان سے پروازوں کے لیے فضائی حدود کی بندش کی خبروں کی تردید کردی۔ افغان حکام نے ان خبروں کو مسترد کر دیا ہے جن میں دعویٰ کیا گیا تھا کہ کابل نے پاکستان سے داخل ہونے والے ہوائی جہازوں کے لیے اپنی فضائی حدود بند کر دی ہے۔ افواہیں، جو سوشل میڈیا پر پھیلی تھیں اور طالبان کے حامی متعدد اکاو¿نٹس کے ذریعے پھیلائی گئی تھیں، ان میں یہ تجویز کیا گیا تھا کہ افغانستان نے پاکستانی فضائی حدود سے آنے والے طیاروں کے لیے اوور فلائٹ رسائی روک دی ہے۔ نقل و حمل اور ہوا بازی کی وزارت کے ایک سینئر اہلکار، مولوی فتح اللہ منصور نے ان دعوو¿ں کو مسترد کرتے ہوئے کہا کہ افغان فضائی حدود کی بندش کی خبریں غلط ہیں۔