شکارپور، پولیس مقابلے میں 8 ڈاکو ہلاک، 2 ڈی ایس پیز زخمی

شکارپور (انتخاب نیوز) شکارپور میں پولیس مقابلے کے دوران 8 ڈاکو ہلاک ہو گئے جبکہ مقابلے میں دو ڈی ایس پیز زخمی ہو گئے۔ ایس ایس پی شکار پور کے مطابق منچر شیخ کے علاقے میں پولیس مقابلے کے دوران 8 ڈاکوﺅں کو ہلاک کر دیا گیا۔ انہوں نے بتایا کہ ڈاکوﺅں کے ساتھ مقابلے میں ڈی ایس پی گڑھی یاسین ظہور سومرو زخمی اور ڈی ایس پی سٹی پارس بکرانی زخمی ہوگئے، زخمی ڈی ایس پیز کو علاج کے لیے اسپتال منتقل کر دیا گیا ہے۔ پولیس حکام کا کہنا ہے کہ ڈاکوﺅں سے مقابلہ کے دوران پولیس کی بھاری نفری موقع پر موجود ہے، ڈاکوﺅں کے خلاف آپریشن میں پولیس کی بکتر بند گاڑیاں بھی حصہ لے رہی ہیں۔