صحافیوں کو اغوا کرکے لاپتہ کرنا نیک شگون نہیں، ترجمان پریس کلب ڈھاڈر
ڈھاڈر:پریس کلب ڈھاڈر بولان کے ترجمان نے پریس کلب کے ممبر صحافی غلام فاروق جتوئی کی اغوا نما گرفتاری اور فورسز کی جانب سے انکے گھر پر چھاپہ چادر چار دیواری کی پامالی کی مزمت کرتے ہوئے کہا کہ ڈھاڈر پریس کلب بولان کے ممبر صحافی غلام فاروق جتوئی کے گھر پر چھاپے میں صحافی کو مبینہ طور پر اغوا کرکے لاپتہ کرنا نیک شگون نہیں، اگر حقیقت میں مذکورہ صحافی پر کیسز ہیں تو انکو عدالت میں پیش کیا جائے تاکہ حقائق منظر عام پر ہوں محض کسی الزام یا صحافتی پیشہ وارانہ زمہ داریوں کی پاداش میں ان کو لاپتہ کرنے کی عمل کی ڈھاڈر پریس کلب شدید الفاظ میں مزمت کرتی ہے انہوں نے کہا کہ صوبے بھر میں صحافیوں پر عرصہ حیات تنگ کیا جارہا ہے مگر صحافی برادری عوامی مسائل علاقائی ایشوز اجاگر کرنے سے کسی صورت دستبردار نہیں ہونگے انہوں نے بیان میں مطالبہ کیا ہے کہ لاپتہ صحافی کو فی الفور منظر عام پر لایا جائے بصورت دیگر پریس کلب ڈھاڈر سمیت بلوچستان کے صحافی احتجاج پر مجبور ہونگے اور مزکورہ صحافی کی بازیابی کیلئے راست اقدام اٹھانے پر مجبور ہونگے۔
