شدید اسرائیلی دباؤ کے باوجودفلسطینی نسل کشی پرمبنی تہلکہ خیز فلم ریلیز کر دی گئی

نیویارک (انتخاب نیوز)سٹریمنگ سروس نیٹ فلکس نے شدید اسرائیلی دباؤ کے باوجود فلسطینیوں کی نسل کشی اور بے دخلی پر مبنی فلم "فرح” ریلیز کردی۔دی گارڈئین نیوز کے مطابق "فرح” حقیقی واقعات پر مبنی فلم ہے اور اسے دنیا بھر میں بہت سراہا جا رہا ہے۔اس فلم کا بنیادی خیال 1948 کے نکبہ کے حقیقی واقعے کے گرد گھومتا ہے، جب شدت پسند یہودیوں نے ساڑھے 7 لاکھ سے زائد فلسطینیوں کو بے گھر اور قتل کر کے ا±ن کی سر زمین سے بے دخل کردیا اور 78 فیصد فلسطینی زمین پر قبضہ کرکے ریاست اسرائیل کے قیام کا اعلان کیا تھا۔فلم کی کہانی ایک 14 سالہ فلسطینی لڑکی کی ہے جو اس واقعے کے دوران گھر کے تہہ خانے میں پناہ لیتی ہے جہاں سے وہ فلسطینیوں پر ہونے والے مظالم کو دیکھتی ہے۔حقیقی واقعات پر مبنی اس فلم "فرح” کو اسرائیلی حکومت کی جانب سے شدید دباؤ اور مزاحمت کا سامنا کرنا پڑا، لیکن اس دباؤ کے باوجود سٹریمنگ سروس نیٹ فلکس نے فلم کو جمعرات کو ریلیز کردیا ہے، جس کے بعد اس فلم کو دنیا بھر میں خوب سراہا جا رہا ہے۔واضح رہے کہ اردنی فلمساز ڈیرِن سلام کی ہدایتکاری میں بننے والی اس فلم میں مرکزی کرداروں میں کرم طاہر، اشرف بارہوم، علی سلیمان، تلہ گموہ، سمیرا عصر، ماجد عید، فراس طیبہ اور سیموئیل کازورووسکی شامل ہیں۔اس فلم کو آسکرز 2023 میں بہترین بین الاقوامی فیچر فلم کے لئے اردن کی جانب سے منتخب کر لیا گیا ہے جبکہ اس کیٹیگری میں پاکستان کی جانب سے "جوائے لینڈ "اور بھارت کی جانب سے "چھیلو” شو کو بھی نامزد کیا گیا ہے۔