پی ٹی آئی نے الیکشن کمیشن کے خلاف دائر توہین عدالت درخواست واپس لے لی
اسلام آباد(مانیٹرنگ ڈیسک)پاکستان تحریک انصاف نے الیکشن کمیشن کے خلاف دائر توہین عدالت درخواست واپس لے لی ۔ اسلام آباد ہائیکورٹ میں بلدیاتی انتخابات کے حوالے سے کیس کی سماعت ہوئی،الیکشن کمیشن کے خلاف دائر توہین عدالت درخواست پی ٹی آئی نے واپس لے لی۔رجسٹرار نے آئینی ادارے کے سربراہ کے خلاف توہین عدالت سے متعلق اعتراض اٹھایا تھا،پی ٹی آئی نے رجسٹرار آفس سے توہین عدالت کی درخواست ہی واپس لے لی ،عدالتی حکم پر 31 دسمبر کو الیکشن نہ کرانے پر توہین عدالت درخواست دائر کی گئی تھی ۔چیف الیکشن کمشنر اور اور ممبران کیخلاف توہین عدالت کی درخواست دائر ہوئی تھی ،جسٹس ارباب محمد طاہر نے اسلام آباد میں بلدیاتی انتخابات کرانے کا حکم دیا تھا۔
Load/Hide Comments
