نال، مہنگائی بے لگام، اشیا خوردونوش کی قیمتوں میں بے تحاشہ اضافہ

نال(آن لائن) شہر میں مہنگائی بے لگام کسی چیز کی قیمتوں میں اعتدال نہیں، غریب عوام کی چیخیں نکل گئے، پرائس کنٹرول کمیٹی مکمل طور پر غیر فعال اشیا خوردونوش کی قیمتوں میں بے تحاشہ اضافہ تفصیلات کے مطابق نال پرائس کنٹرول کمیٹی غیر فعال ہونے اور چیک اینڈ بیلنس کا نظام نہ ہونے سے نال شہر میں اشیا خوردونوں کی قیمتیں آسمان سے باتیں کرنی لگی ہے دکاندار من مانی قیمتیں وصول کرتے ہوئے غریب عوام کو دونوں ہاتھوں سے لوٹنے میں کوئی کسر نہیں چھوڑ رہے ہیں اور بلا و خطر زائد قیمت پر اشیا خوردنوش کی فروخت بھی عروج پر ہے حفظان صحت کی مکمل خلاف ورزیاں کررہے ہیں جس سے مختلف قسم کی بیماریاں پھیلنے کا اندیشہ ہیںشہر میں سبزی ، فروٹ،گوشت، بسکٹ سمیت کسی بھی اشیاء کی سرکاری نرخ نامہ کے مطابق فروخت نہیں ہورہی ہے ہر ایک نے اپنی من پسند ریٹ لگا کر لوگوں کو لوٹنے میں کوئی کسر نہیں چھوڑ رہے ہیںجبکہ منافع خوروں سے پوچھنے والا کوئی نہیں ہے انتظامیہ نے نال کے عوام کو مکمل طور پر گرانفروشوں اور زخیرہ اندوزوں کے حوالے کردیاہے جس کے باعث نال کے غریب عوام خود ساختہ مہنگائی کے ہاتھوں سخت مسائل و مشکلات کا شکار ہیں اور کسی مسیحا کے منتظر ہیںنال کے عوامی حلقوں نے پرائس کنٹرول کمیٹی کی غیرفعالیت پر افسوس کا اظہارکرتے ہوئے کہاہیکہ پرائس کنٹرول کمیٹی غیر فعال ہونے کی وجہ سے عوام کو گرانفروشوں و زخیرہ اندوزوں اور غیرمعیاری اشیا فروخت کرنے والوں کے حوالے کیاگیاہے انہوں نے وزیراعلی بلوچستان، کمشنر قلات ڈویژن اور ڈپٹی کمشنر خضدار سے فوری نوٹس لینے کا مطالبہ کیاہے کہ نال میں پرائس کنٹرول کمیٹی کو فوری طور پر فعال بنائیںتاکہ نال کے غریب اور متوسط طبقے کے عوام کو اس خود ساختہ اور کمر توڑ مہنگائی سے کچھ نہ کچھ حد تک ریلیف مل سکیں۔