سوئی گیس کمپنی ملازمین کی تنخواہیں نہ بڑھنے اور دیگر مطالبات کی عدم منظوری کیخلاف احتجاجی ریلی
کوئٹہ (آن لائن) انصاف جفا کش یونین سی بی اے سوئی سدرن گیس کمپنی کوئٹہ کے ملازمین نے اپنے مطالبات کے حق میں کوئٹہ پریس کلب کے سامنے احتجاجی مظاہرہ کیا ، مظاہرے کی قیادت جنرل سیکرٹری شاہ محمد کر رہے تھے، مظاہرین نے پلے کارڈ اٹھا رکھے تھے جن پر انکے مطالبات درج تھے، مظاہرین سے خطاب کرتے ہوئے شاہ محمد کا کہنا تھا کہ ہمارے 7مطالبات ہیں، جن میں پانچ سالوں سے تنخواہوں کا نہ بڑھانا ، چارٹر آف ڈیمانڈ کا نہ ملنا، سپریم کورٹ آف پاکستان اور پارلیمانی کمیٹی برائے متاثرہ ملازمین کی جانب سے واضع ہدایت دینے کے باوجود سینیارٹی اور پیسیفکیشن کا نہ ملنا اسی طرح پارلیمانی کمیٹی برائے متاثرہ ملازمین کی واضع ہدایت دینے کے باوجود عرصہ دراز سے ادارے کیلئے کام کرنے والے کچی ملازمین کو پکا نہ کرنا،دو سال کے کینٹین سبسڈی کا نہ ملنے تین بونس جو سالہا سال سے جاری پالیسی کے مطابق نہ ملنا ، 5فیصد اور لانگ سروس ایوارڈ کا نہ ملنا، میڈیکل میں پرائیویٹ ہسپتال کا نہ ملنا اور معمولی وجوہات پر شوکاز چارج شیٹ ڈسمسل کو بند کیا جائے معمولی وجوہات پر تمام ڈسمس ملازمین کو دوبارہ بحال کیا جائے من گھڑت پروموشن پالیسی نا منظور ہے۔
