ہماری لڑائی ملٹری اسٹیبلشمنٹ سے نہیں، متحدہ عرب امارات پاکستان کو منہ نہیں لگارہا، شیخ رشید

راولپنڈی:عوامی مسلم لیگ کے سربراہ اورسابق وفاقی وزیر داخلہ شیخ رشید احمد نے کہا ہے کہ انگریزنے1940میں مینارپاکستان پرپابندی نہیں لگائی ان کے ایجنٹوں نے نہ صرف کنٹینرلگائے بلکہ سارے راستے سیل کردیئے، اسکے باوجود میلوں سفرکرکے لوگ جلسہ گاہ پہنچے ،ہماری لڑائی ملٹری اسٹیبلشمنٹ سے نہیں ملک کاخزانہ لوٹ کرملک سے باہر لےکرجانےوالوں کےخلاف ہے، آٹے کےلئے غریب میں زندگی موت کی لائن لگی ہے۔ان خیالات کااظہار شیخ رشید احمد نے اتوارکے روزٹوئٹر پر جاری اپنے بیان میں کیا۔ شیخ رشید احمد نے کہا کہ جوکشمیرکی جدوجہدآزادی سے ناآشناہیں، انہوں نے گلگت بلتستان کی پولیس پرصوبے سے باہرجانے پرپابندی لگادی، مینار پاکستان کاجلسہ ناکام کرنے کے لئے تھر یٹ الرٹ جاری کیاانٹرنیٹ بندکیااورگرفتاریاں کیں اصل خوف عمران خان کی مقبولیت ہے باقی سب بہانے ہیں،آئی ایم ایف توکیاجنیواڈونرکانفرنس سے بھی کچھ نہیں مل رہا۔ شیخ رشید احمد نے کہا کہ سعودی عرب نے ادھارتیل کی سہولت8ماہ میں ہی ختم کردی ہے، متحدہ عرب امارات منہ نہیں لگارہا،شدیدمعاشی بحران دروازے پرآگیا جویہ سوچ رہے ہیں کہ ہم سب ٹھیک کرلیں گے وہ خانہ جنگی کی طرف ملک کولےکرجارہے ہیں ملک نے آئین کےساتھ چلناہے یابدمعاشوں کےساتھ اس کا فیصلہ سپریم کورٹ نے کرناہے ،آج (سوموار)کو میں سپریم کورٹ پیش ہوں گا۔