روس کا سستا تیل جلد پاکستان میں آنے والا ہے، احسن اقبال

نارووال (انتخاب نیوز) وفاقی وزیر برائے منصوبہ بندی و ترقی احسن اقبال نے کہا ہے کہ جلد روس کا سستا تیل پاکستان میں آنے والا ہے۔ یونیورسٹی آف نارووال میں میڈیا سے گفتگو کرتے ہوئے احسن اقبال کا کہنا تھاکہ آئی ایم ایف کا معاہدہ حتمی مراحل میں پہنچ چکا ہے جس سے منصوبہ طے ہونے سے روپے کی قدر مستحکم ہوگی۔ انہوں نے کہا کہ روس کا سستا تیل جلد پاکستان میں آنے والا ہے۔ ان کا مزید کہنا تھا کہ عمران خان کو غم کھائے جارہا ہے کہ حکومت کو دو تین ماہ مل گئے تو معیشت سنبھالنے میں کامیاب ہوجائیگی۔ احسن اقبال کا کہنا تھا کہ عمران خان نے چین کے وزیر خارجہ کے دورے پر مظاہروں کا اعلان کیا ہے، عمران خان کی سیاست کا مقصد رہ گیا ہے کہ سی پیک منصوبے کو ڈی ریل کیا جائے۔