بھارت میں پاکستانی ہندوﺅں کے 50 سے زائد گھر مسمار، 150 خاندان بے گھر

جے پور: بھارت میں مقیم پاکستانی ہندوں کے 50 سے زائد گھر مسمار کردئیے گئے۔بھارتی میڈیا ریاست راجھستان کے علاقے جیسلمیر میں پاکستان سے بھارت جانے والے ہندوں کے 50 سے زائد گھر تجاوزات قرار دے کر مسمار کردئیے۔پولیس نے گھروں کو گرانے سے روکنے کی کوشش کرنے والے پاکستانی ہندوں پر لاٹھی چارج کیا اور تشدد کا نشانہ بنایا۔ پولیس تشدد سے متعدد خواتین بھی زخمی ہوئیں۔ گھر مسمار ہونے سے 150 خاندان خواتین اور بچوں سمیت آسمان تلے بے یار و مددگار رہنے پر مجبور ہیں۔اس سے قبل اپریل 2023 میں بھی پاکستان سے نقل مکانی کرکے بھارت جانے والے ہندوں کے 100 سے زائد گھر منہدم کیے جا چکے ہیں۔ یہ گھر راجھستان کے ضلع جودھ پور میں مسمار کیے گئے تھے۔