کراچی ، سی ٹی ڈی کی کارروائی،قتل کا مفرور ملزم گرفتا ر

کراچی(مانیٹرنگ ڈیسک)کراچی میں سی ٹی ڈی نے یونیورسٹی روڈ پر چھاپے کے دوران قتل کے مقدمے میں سزائے موت پانے والا مفرور ملزم گرفتا رکر لیا ۔کراچی میں سی ٹی ڈی نے یونیورسٹی روڈ پر چھاپہ مارا جہاں قتل کے مقدمے میں سزائے موت پانے والا مفرور ملزم گرفتارکرلیا گیا،سی ٹی ڈی حکام کے مطابق ملزم کو ڈسٹرکٹ اینڈ سیشن کورٹ سکھرنے سزائے موت کی سزاسنائی تھی۔ سی ٹی ڈی حکام کے مطابق ملزم 1990 میں پولیس میں سپاہی بھرتی ہواتھا،ملزم نے1994میں اپنے مخالف کو سرکاری ایس ایم جی سے قتل کیا،ملزم موقع پر گرفتار ہوگیا تھا۔سی ٹی ڈی حکام کا کہنا ہے کہ ملزم ضمانت کے بعد مفرور ہوگیا تھا۔