کیچ کلچر ڈیپارٹمنٹ کے تحت تھری ڈی آرٹس نمائش، ایک لاکھ 80 ہزار روپے سے زائد کی پینٹنگز فروخت

تربت(نمائندہ انتخاب ) کیچ کلچر ڈیپارٹمنٹ کے زیر اہتمام چار روزہ 3 ڈی آرٹس نمائش اختتام پزیر، ایک لاکھ اسی ہزار روپے کے پینٹنگ خریدے گئے، آخری روز مختلف فن کاروں کے فن کی نمائش کی گئی اس موقع پر کمشنر مکران ڈویڑن، ڈپٹی کمشنر کیچ سمیت سیاسی و سماجی، علمی اور ادبی شخصیات نے دورہ کیا اور آرٹسٹس کی حوصلہ افزائی کی،کلچر ڈیپارٹمنٹ کی جانب سے اپنی مدد آپ کے تحت کلچر کمپلیکس میں چار روزہ 3 ڈی آرٹ ایگزی بیشن اور تربیتی کورس اتوار کو اختتام پزیر ہوا جس میں کمشنر مکران سعید احمد عمرانی، ڈپٹی کمشنر کیچ حسین جان بلوچ، انجمن تاجران تربت کے صدر و دیگر تاجران کے علاوہ سیاسی و سماجی شخصیات اور طلبہ و طالبات نے نمائش کا معائنہ کیا، کمشنر مکران نے اس دوران فنکاروں کو ان کے گراں قدر کاموں کے لیے نقد انعامات کا اعلان بھی کیا، ادارہ کلچر کی جانب سے کلچر کمپلیکس میں 3 روزہ 3 ڈی آرٹس کی تربیتی کورس اور ایگزی بیشن کا آغاز 23 ستمبر کو کیا گیا، نمائش میں مقامی فن کاروں کی بڑی تعداد نے حصہ لے کر اپنے پینٹنگ کی نمائش کی جسے لوگوں کی بڑی تعداد نے وزٹ کیا اور اپنی پسندیدگی ظاہر کی، اسسٹنٹ ڈائریکٹر کلچر ایاز ہاشم بزنجو نے تین روزہ نمائش پر میڈیا سے گفتگو میں کہاکہ اس کا مقصد مقامی فن کاروں کی حوصلہ افزائی اور انہیں اپنی کارکردگی کے اظہار کا ایک موقع دینا تھا، اس میں کسی نے مدد و تعاون نہیں کی تھی بلکہ کلچر ڈیپارٹمنٹ نے اپنی مدد آپ کے تحت یہ سب کیا جس کا انتہائی مثبت نتیجہ ملا، انہوں بتایا کہ ایک لاکھ اسی ہزار روپے سے زائد کے پینٹنگ فروخت ہوئے۔