نو مئی مقدمات کیخلاف شیخ رشید نے بریت کی درخواست دائر کردی

راولپنڈی (آئی این پی) سابق وزیر داخلہ شیخ رشید نے 9 مئی کے مقدمات کیخلاف بریت کی درخواست دائر کردی۔ راولپنڈی کی انسداد دہشتگردی عدالت میں سربراہ عوامی مسلم لیگ شیخ رشید اور انکے بھتیجے شیخ راشد شفیق کے خلاف 9 مئی کے 3 مقدمات کی سماعت ہوئی، شیخ رشید اپنے وکلا سردار رازق اور سردار شہباز کے ہمراہ عدالت پیش ہوئے۔ دوران سماعت شیخ رشید کے وکیل نے بریت کی درخواست دائر کر دی، عدالت نے درخواست بریت پر نوٹس جاری کرتے ہوئے تینوں مقدمات کی سماعت 14 مئی تک ملتوی کر دی۔ یاد رہے کہ سابق وزیر داخلہ شیخ رشید کے خلاف 9 مئی کے حوالے سے تھانہ کینٹ، مورگاہ اور ٹیکسلا میں مقدمات درج ہیں۔