بنوں میں گھریلو جھگڑے پر فائرنگ، 4افراد جاں بحق، خاتون زخمی

بنوں(مانیٹرنگ ڈیسک)بنوں شہر کے قادری محلے میں گھریلو تنازع پر فائرنگ سے 4افراد جاں بحق جبکہ خاتون زخمی ہو گئی۔ پولیس کے مطابق پولیس کے مطابق گھر میں آئے روز چھوٹے بھائی کا جھگڑا رہتا تھا، اس سلسلے میں آج 3 ماموں پشاور سے صلح کروانے آئے تھے۔بڑوں نے فیصلہ کیا کہ چھوٹے بھائی کو علیحدہ کردیا جائے، اسی دوران تلخ کلامی ہوئی، جس پر چھوٹے بھائی نے فائرنگ کردی۔فائرنگ سے چچا اور 3 ماموں موقع پر جاں بحق ہوگئے جبکہ چچی زخمی ہوگئی۔جاں بحق افراد اور زخمی خاتون کو ڈسٹرکٹ ہیڈ کوارٹر اسپتال بنوں منتقل کردیا گیا۔پولیس نے مزید بتایا کہ فائرنگ کے بعد ملزم فرار ہوگیا جس کی گرفتاری کیلئے چھاپے مارنا شروع کر دیے گئے۔