لسبیلہ:ندی سے 10روز پرانی لاش برآمد

وتھل(نمائندہ انتخاب)ضلع لسبیلہ کی تحصیل اوتھل کے پہاڑی علاقہ موضع گچیری ندی سے نامعلوم شخص کی 10 روز پُرانی نعش برآمد،تفصیلات کیمطابق ضلع لسبیلہ کی تحصیل اوتھل کے پہاڑی علاقہ موضع گچیری ندی سے نامعلوم شخص کی نعش کی اطلاع موصول ہوئی اطلاع ملتے ہی ایدھی کے انچارج ڈاکٹر عبدالحکیم لاسی بمعہ ایدھی رضاکار، ایمبولینس جبکہ ڈی ایس پی اوتھل بیلہ پولیس سرکل تنویر شاہ،محمد ہاشم شاہوک،ڈیوٹی آفیسر محمد علی شیخ،رسالدار لیویز فورس حافظ عبدالرزاق جائے وقوعہ پر پہنچ گئے,انتظامیہ کیمطابق نامعلوم شخص پہاڑ سے گر کر جاں بحق ہوا ہے،ایدھی اور انتظامیہ نے نعش کو اپنی تحویل میں لیکر ایدھی ایمبولینس کے ذریعے سول ہسپتال اوتھل منتقل کیا جہاں پر ڈاکٹرز نے ضروری کی جبکہ ایس ایچ او لیویز اوتھل عبدالجلیل سومرو بھی سول ہسپتال اوتھل پہنچے،نعش کو ایدھی اوتھل نے کبیر شاہ قبرستان میں سپردخاک کردیا۔جبکہ جانو گوٹھ گچیری کے مکینوں کے مطابق ایک شخص 5 دن پہلے پیدل سفر کرکے ہمارے گوٹھ آیا تھا جو کہ خاصخیلی برادری اوتھل سے تعلق رکھتا تھا جانو گوٹھ گچیری ندی کی طرف روانہ ہوا،جو اپنے بھائی کی شادی کیلئے مدد کی امید سے آیا تھا،اس شخص نے بتایا کہ وہ ایران کی جیل میں قید تھا گزری عید پر رہا ہو کر اوتھل آیا ہوں۔