پنجاب میں بجلی کی قیمت میں کمی کا کریڈٹ ہمارے دھرنے کو جاتا ہے، حافظ نعیم

ملتان (آئی این پی )امیر جماعت اسلامی پاکستان حافظ نعیم الرحمان نے پنجاب میں بجلی کی قیمت کمی کا کریڈٹ لیتے ہوئے اسے خوش آئند قرار دیا ہے۔سماجی رابطے کی سائٹ ایکس پر اپنے بیان میں حافظ نعیم نے کہا کہ جماعت اسلامی کی مزاحمت اور جدوجہد رنگ لائی ہے، پنجاب کے بعد وفاقی اور صوبائی حکومتوں کو ریلیف کے دائرے کو پورے ملک میں پھیلانا ہوگا۔انہوں نے مطالبہ کیا کہ یہ ریلیف عارضی نہیں بلکہ مستقل ہونا چاہیے جبکہ دیگر صوبائی حکومتیں اور وفاق بھی بجلی کی قیمتیں کم کرنے کے معاملے میں کوئی پیش رفت کریں۔ واضح رہے کہ مسلم لیگ ن کے صدر اور سابق وزیراعظم نواز شریف نے وزیراعلی پنجاب مریم نواز کے ہمراہ پریس کانفرنس میں اعلان کیا ہے کہ پنجاب میں 500 یونٹ تک بجلی استعمال کرنے والے صارفین کو فی یونٹ 14 روپے ریلیف دیا جائے گا۔