سعودی عرب میں 2400 قبل از مسیح کا گاﺅں دریافت

ریاض (صباح نیوز) سعودی عرب کے شمال مغربی علاقے میں آثار قدیمہ کی تلاش کے دوران کانسی دور کا قدیم گاﺅں دریافت ہوا ہے۔ ریاض میں پریس کانفرنس سے خطاب کرتے ہوئے العلا رائل کمیشن کے ماہرین نے بتایا کہ شواہد سے یہ معلوم ہوا ہے کہ جزیرہ العرب میں عہد رفتہ میں بڑی تعداد میں چراگاہوں کا رواج رہا تھا جو ایک دوسرے سے جڑی ہوئی ہوتی تھیں۔ اس گاﺅں کوالنطا کہا جاتا تھا اس کی تاریخ کے بارے میں خیال ہے کہ 2 ہزار سے 2400 قبل از مسیح یا اس سے بھی قدیم تھا۔یہ گاﺅں 2.6 ہیکٹر رقبے پرپھیلا ہوا تھا جس کے اطراف میں 15 کلومیٹر طویل باﺅنڈری وال تھی اور یہاں رہنے والوں کی تعداد 500 کے قریب رہی ہوگی۔رائل کمیشن العلا گورنریٹ نے فرانسیسی ایجنسی برائے سائنسی تحقیق کے تعاون سے دریافت ہونے والے گاﺅں کا مطالعہ کرنے کے بعد رپورٹ پیش کی ہے۔