خیبر پختونخوا حکومت کا آئینی عدالتوں کے قیام کیلئے صوبائی اسمبلی میں قرارداد نہ لانے کا فیصلہ

پشاور(یو این اے)خیبر پختونخوا حکومت نے آئینی عدالتوں کے قیام کیلئے صوبائی اسمبلی میں قرارداد نہ لانے کا فیصلہ کر لیا ہے۔اس حوالے سے وزیر قانون آفتاب عالم نے میڈیا کو بتایا کہ تحریک انصاف نے 26 ویں آئینی ترمیم کی مخالفت کی ہے توہم اسے کیسے تسلیم کر سکتے ہیں۔کابینہ نے بھی منظوری دی ہے کہ آئینی عدالتوں کے قیام کے لئے قرارداد اسمبلی میں پیش نہیں کرنی۔وزیر قانون کا کہنا ہے کہ خیبر پختونخوا اسمبلی کا ایوان مکمل نہیں، مخصوص نشستوں کا فیصلہ نہیں ہوا اور سینیٹ الیکشن بھی نہیں ہوئے اس صورتحال میں نامکمل ایوان میں کیسے قرارداد لائی جائے۔