جب مذاکرات کا سلسلہ چل پڑا ہے تو رکاوٹیں کھڑی کرنے کا کیا مقصد ہے؟ فیصل چوہدری

راولپنڈی(این این آئی)بانی پی ٹی آئی کے وکیل فیصل چوہدری نے کہاہے کہ جب مذاکرات کا سلسلہ چل پڑا ہے تو رکاوٹیں کھڑی کرنے کا کیا مقصد ہے؟۔اڈیالہ جیل کے باہر میڈیا سے گفتگو کرتے ہوئے انہوں نے کہا کہ علی امین گنڈاپور کے علاوہ کسی کو تاحال بانی پی ٹی آئی سے ملاقات کی اجازت نہیں دی گئی۔فیصل چوہدری نے کہاکہ تمام رہنماؤں کو جیل میں داخلے سے روکا گیا ہے، کمیٹی کی ملاقات جب طے ہے تو انہیں روکنا تذلیل ہے، مذاکراتی کمیٹی کے ارکان کو ملاقات سے روکنے پر ہم احتجاج کرتے ہیں۔انہوںنے کہاکہ حکومت میں شامل کچھ لوگ مذاکرات کو سبوتاز کرنا چاہتے ہیں، وزیراعلیٰ پنجاب گروپ مذاکرات میں رکاوٹ ڈالنے کی کوشش کر رہا ہے۔انہوںنے کہاکہ مذاکراتی کمیٹی کے باعزت لوگ ہیں انہیں روکنا ان کی توہین ہے۔