گوما شہرمیں شدید کشیدگی جاری، 73 افراد ہلاک، 80 سے زائد زخمی

گوما (آئی این پی )کانگو کے شہر گوما میں شدید کشیدگی جاری ہے جہاں باغیوں اور سیکیورٹی فورسز کے درمیان شدید لڑائی میں 73 افراد ہلاک اور 80 سے زائد زخمی ہوگئے۔میڈیا رپورٹ کے مطابق چھ روز میں مرنے والوں کی تعداد 773 ہوگئی جبکہ 2 ہزار 880 افراد زخمی ہوچکے ہیں۔کانگو حکومت کا کہنا ہے کہ روانڈا کے حمایت یافتہ باغی معدنی علاقے پر کنٹرول کی کوشش کر رہے ہیں۔واضح رہے کہ اقوام متحدہ کے ترجمان نے بتایا تھا کہ جمہوریہ کانگو کے شمالی کیوو صوبے کے دارالحکومت گوما میں جاری شدید لڑائی جاری ہے جس میں اموات کا خدشہ بڑھ گیا ہے۔ روانڈا کے حمایت یافتہ مسلح گروپ نے ملک کے مشرق کے سب سے بڑے شہر گوما پر قبضہ کیا، اور رضاکاروں اور جدوجہد کرنے والی کانگولیس فوج کی جانب سے ان کو شکست دینے کی کوشش کے طور پر جنوب کی طرف پیش قدمی کر رہی ہے۔