بلوچسان، اپریل کے پہلے ہفتے میں 8 سوسے زائد حادثات، 13 افراد جاں بحق، ہزار سے زائد زخمی

کوئٹہ(این این آئی) بلوچستان کی قومی شاہراہوں پر اپریل کے پہلے ہفتے میں 800سے زائد حادثات میں 13افراد جاں بحق جبکہ 1000سے زائد زخمی ہوگئے ۔ ایم ای آر سی ریسکیو 1122بلوچستان کے جاری کردہ اعداد و شمار کے مطابق بلوچستان کی قومی شاہراہوں پر یکم سے 7اپریل تک 809حادثات رونما ہوئے جن میں 13افراد جاں بحق جبکہ 1072زخمی ہوئے ۔اعداد و شمار کے این 25قومی شاہراہ پر 257، این 50قومی شاہراہ پر 449،این 80شاہراہ پر 25،این 65شاہراہ پر 29،این 70شاہراہ پر 43،ایم 8شاہراہ پر 4،این 40شاہراہ پر 2حادثات رونما ہوئے ۔