دالبندین میں ایڈووکیٹ زبیر بلوچ کے گھر چھاپہ اور قتل قابل مذمت، عدالتی کارروائی کا بائیکاٹ کریں گے، بلوچستان بار

کوئٹہ (پ ر) بلوچستان بار کونسل کے جاری ایک بیان میں دالبندین بار کے ممبر زبیر بلوچ کے گھر پر چھاپہ فائرنگ اور وکیل رہنما زبیر بلوچ کے قتل کی شدید الفاظ میں مذمت کرتے ہوئے کہا کہ بلوچستان میں ماورائے آئین و قانون قتل و غارت قابل مذمت ہے بلوچستان کے وکلاءنے ہمیشہ ملک کے اندر آئین و قانون کی بالادستی کیلئے اپنا کردار ادا کیا زبیر بلوچ ایک پرامن شہری اور وکیل تھے ان کے قتل سے وکلاءکو گہری تشویش لاحق ہے جس کی جتنی بھی مذمت کی جائے کم ہے بیان میں مطالبہ کیا کہ حکومت فوری طور پر زبیر بلوچ ایڈوکیٹ کے قتل میں ملوث ملزمان کو گرفتار کرکے قرار واقعی سزا دی جائے بلوچستان بار کونسل نے زبیر بلوچ کے بہیمانہ قتل کے خلاف کل 25 ستمبر کو بلوچستان بھر میں عدالتی کارروائی کے بائیکاٹ کا اعلان کیا ہے۔