پشاور دھماکے کا سہولت کار کمانڈر محمد احسانی افغانستان میں ہلاک ہوگیا، سیکورٹی ذرائع

پشاور (ویب ڈیسک) پشاور میں 2022 میں ہونے والے دھماکے کا سہولت کار داعش خراسان کا کمانڈر محمد احسانی عرف انوار افغانستان میں ہلاک ہوگیا۔ سیکورٹی ذرائع کا بتانا ہے کہ داعش خراسان کا کمانڈر محمد احسانی عرف انوار افغانستان کے شہر مزار شریف میں ہلاک ہوا۔ سیکورٹی ذرائع کے مطابق ہلاک کمانڈر احسانی 2022 کے پشاورکوچہ رسالدار دھماکے کا مرکزی سہولت کار تھا، کوچہ رسالدار دھماکے میں 67 اموات ہوئی تھیں۔ سیکورٹی ذرائع کا بتانا ہے کہ احسانی تاجک خودکش بمباروں کو پاکستان لانے اور تربیت دینے کا ذمہ دار تھا۔