رفیق حریری کے قاتلوں کو کیفرکردار تک پہنچایا جائے، سعودی عرب
ریاض:سعودی وزارت خارجہ کی وزارت نے کہا ہے کہ مملکت لبنان کے سابق وزیراعظم مقتول رفیق الحریری کے قتل سے متعلق خصوصی ٹریبونل کے ذریعہ جاری کردہ فیصلے کا خیرمقدم کرتے ہوئے اس پرعمل درآمد پر زور دیتی ہے۔میڈیارپورٹس کے مطابق لبنان کے خصوصی ٹریبونل کی جانب سے جاری کردہ فیصلے میں کہا گیا کہ رفیق حریری کے قتل میں حزب اللہ قصور وار ہے کیونکہ اس کا ایک رکن قتل کے اس گھنانے جرم کا مرتکب ہوا تھا۔سعودی عرب کی وزارت خارجہ کا کہنا تھا کہ رفیق حریری کے قتل سے متعلق ٹریبونل کا فیصلہ حقائق پر مبنی ہے۔ اس فیصلے کے بعد رفیق حریری کے قاتلوں کو گرفتار کر کے انہیں قرار واقعی سزا دی جانی چاہیے۔وزارت خارجہ نے کہا کہ سعودی عرب کی حکومت حزب اللہ اور اس کے دہشت گرد عناصر کو انصاف طلب کے کٹہرے میں کھڑا کرنے اور مجرموں کو کیفر کردار تک پہنچانے کا مطالبہ کرتی ہے۔ حزب اللہ لبنان، خطے اور دنیا میں ایرانی حکومت کا ایک آلہ ہے جو ایران کے اشاروں پر دہشت گردی کی کارروائیوں میں پیش پیش رہتی ہے۔ حزب اللہ کے ہاتھوں رفیق حریری کے قتل سے لبنان کی سلامتی پر تباہ کن اثرات مرتب ہوئے۔
