واشک، کریمہ بلوچ کے قتل کیخلاف یکجہتی کمیٹی کی احتجاجی ریلی

واشک(نامہ نگار)بلوچ یکجہتی کمیٹی کی جانب سے بلوچ رہنماء شہید بانک کریمہ بلوچ کی قتل کے خلاف ایک پر امن ریلی کا انعقاد کیا گیا جس میں سول سوسائٹی سیاسی و سماجی رہنماؤں طلباء تنظیموں نے کثیر تعداد میں شرکت کی شرکا نے اسپتال چوک سے واک کرتے ہوئے مین بازار واشک میں جلسے کی شکل اختیار کی جلسے سے میر ارشاد حمید یعقوب بلوچ قدرت اللہ ندیم بلوچ منظور بلوچ رحیم جان بلوچ مقصود بلوچ نجیب کریم بلوچ نے خطاب کرتے ہوئے کہا کہ سیاسی سوشلسٹ بانک کریمہ بلوچ نے بلوچ قوم کے لیے ہمیشہ آواز کی ہے بانک کریمہ بلوچ بلوچستان کے مظلوم عوام کی آواز تھی مقررین نے مطالبہ کیا کہ بانک کی قتل میں ملوث افراد کے خلاف کارروائی کرکے صاف اور شفاف انکوائری کی جائے.