کراچی میں جنریٹر میں موجود بارودی مواد پھٹنے سے ایک شخص جاں بحق

کراچی: سائٹ ایریا میں جنریٹر میں موجود بارودی مواد پھٹنے سے ایک شخص جاں بحق ہوگیا۔ کراچی کے علاقے سائٹ ایریا کے گودام میں دھماکے سے ایک شخص جاں بحق ہوگیا، پولیس کا کہنا ہے کہ دھماکا جنریٹر میں ہوا، گودام میں جنریٹر کو اسکریپ کے لیے توڑا جارہا تھا کہ اچانک دھماکا ہوگیا تاہم اس حوالے سے مزید تحقیقات جاری ہیں۔

دوسری جانب بم ڈسپوزل اسکواڈ نے ابتدائی رپورٹ تیار کرلی ہے جس میں کہا گیا ہے کہ دھماکا جنریٹر میں بارودی مواد کے باعث ہوا، جنریٹر کے ایک پائپ میں دھماکا خیز مواد کے ذرات ملے ہیں۔