ندیم افضل چن غیرت مند ہیں جو حکومت سے الگ ہوگئے، خورشید شاہ

سکھر:پیپلز پارٹی کے سینئر رہنما خورشید شاہ نے وزیراعظم کے معاون خصوصی ندیم افضل چن کے استعفے پر اپنے رد عمل کا اظہار کرتے ہوئے کہا ہے کہ ندیم افضل چن غیرت مند ہیں جو حکومت سے الگ ہوگئے، حکمران کس منہ سے اپنی تعریفیں کررہے ہیں، جمعہ کوسکھر میں احتساب عدالت میں پیشی کے موقع پر خورشید شاہ نے کہا کہ پیپلزپارٹی نے عوام سے جو وعدے کیے انہیں پورا کرکے دکھایا اور ہم نے اپنے دور میں اپنے منشور پر 80فیصد عمل کیا لیکن ملک کے عوام اس وقت منہگائی کی وجہ سے پریشان ہیں۔