پنجگور کے علاقے چکول سے مغوی سی ٹی ڈی اہلکار کی لاش برآمد، لواحقین کا مرکزی شاہراہ پر دھرنا

پنجگور (ویب ڈیسک) پنجگور کے علاقے چکول سے سی ٹی ڈی اہلکار کی لاش برآمد، لواحقین کا لاش کے ہمراہ ڈی پی او آفس کے سامنے مین روڈ پر دھرنا۔ لواحقین کا کہنا تھا کہ گزشتہ روز سی ٹی ڈی اہلکار خلیل احمد ولد احمد کو نامعلوم افراد نے تسپ کے علاقے سے اغواءکرلیا تھا آج مغوی کی لاش چکول کے علاقے سے برآمد ہوئی ہے۔ لواحقین نے لاش کے ہمراہ ڈی پی او آفس کے سامنے مین روڈ پر احتجاجی دھرنا دیا۔ بعد ازاں پولیس افسران اور انتظامیہ سے مذاکرات کے بعد مظاہرین پر امن طور پر منتشر ہوگئے۔ اس سلسلے میں پولیس مزید تفتیش کررہی ہے۔