لندن میں چاقو زنی سے 24گھنٹے کے دوران دو افراد قتل

لندن: برطانوی دارالحکومت میں چوبیس گھنٹوں کے دوران چاقو زنی سے دو نوجوانوں کے قتل کے بعد پولیس حرکت میں آگئی۔میڈیارپورٹس کے مطابق برطانوی دارالحکومت لندن میں چوبیس گھنٹوں کے دوران دو کم سن لڑکوں کو قتل کیا گیا، جس کے بعد پولیس نے ایکشن لیتے ہوئے 8 مشتبہ افراد کو حراست میں لیا۔رپورٹ کے مطابق لندن کے علاقے ہیز میں پندہ سالہ نوجوان کو نامعلوم شخص نے چاقو کا وار کر کے ہلاک کیا جبکہ اسٹریتھم کے علاقے میں کم نوجوان پر چاقو سے حملہ کیا گیا۔ہیز میں ہونے والے قتل کے بعد پولیس نے شک کی بنیاد پر دو ملزمان کو گرفتار کیا جبکہ اسٹریتھم سے 6 مشتبہ افراد کو حراست میں لیا گیا ہے۔پولیس نے بتایا کہ مزید گرفتاریاں بھی متوقع ہیں، پولیس نے گرفتار کیے جانے والے افراد کے حوالے سے مزید کوئی تفصیل جاری نہیں کی البتہ یہ بات سامنے آئی ایک کو بے قصور ہونے پر رہا کردیا گیا۔لندن پولیس کی جانب سے جاری ہونے والے اعداد و شمار کے مطابق رواں سال میں اب تک صرف لندن میں 50 افراد کو قتل کیا جاچکا ہے، جن میں سے بیشتر چاقو حملے میں ہلاک ہوئے۔