بحرین کی افغان شہریوں کو نکالنے کے لیے ایئر پورٹ کے استعمال کی اجازت

بحرین:بحرین نے کہا ہے کہ وہ افغانستان سے لوگوں کو نکالنے کے لیے اپنے ملک میں ٹرانزٹ یا عارضی قیام کی سہولت کی اجازت دے رہا ہے۔بحرین نے سنیچر کو علی الصبح یہ بیان جاری کیا ہے۔ بحرین میں امریکہ کا پانچواں بحری بیڑہ تعینات ہے۔

یہ بیان ایسے وقت میں سامنے آیا ہے جب امریکہ کو قطر میں العدید ایئر بیس پر مشکلات پیش آ رہی ہیں۔ طالبان کے خوف سے ملک چھوڑنے والے افغان شہریوں کو امریکہ العدید ایئر بیس پہنچا رہا تھا۔بحرین نے یہ بھی کہا ہے کہ افغانستان میں تمام فریق داخلی صورتحال کو مستحکم کریں گے اور شہریوں کی جانوں کو تحفظ فراہم کریں گے اور امن و امان برقرار رکھیں گے۔