طبی عملہ کی بجائے تعمیرات صنعت کے لیے پیکج، غلط ترجیحات کے نتائج کا پورا ملک سامنا کرسکتا ہے، بلاول بھٹو زرداری

اسلام آباد،پاکستان پیپلزپارٹی کے چیئرمین بلاول بھٹو زرداری نے ٹویٹر پر جاری پیغام میں کہا ہے کہ عالمی وبا ء کے دوران اگلے محاذوں پر خدمات سرانجام دینے والے ڈاکٹروں اور نرسوں کیلئے بڑے امدادی پیکجز کا اب تک اعلان نہیں کیا گیا ہے۔ یومیہ اجرت پر انحصار کرنے والے لاک ڈاؤن سے سب سے زیادہ متاثر ہوئے ہیں۔ ان کیلئے بھی امدادی پیکج کا اعلان ابھی تک نہیں کیا گیا، پاکستان نے کرونا وائرس کی وبا کے دوران تعمیراتی صنعت کیلئے بڑے امدادی پیکج کا اعلان کیا ہے۔انسانی زندگی پر نفع کو ترجیح صحت کے بحران میں ہمارے اقدامات کا تعین کررہی ہے۔ وفاقی حکومت کی غلط ترجیحات کے نتائج کا پورا ملک سامنا کرسکتا ہے، اپنے شعبہ صحت کے نظام، مزدوروں اور ضرورت مندوں سے تعاون کریں۔