قطر میں زیرحراست شاہی خاندان کے الشیخ طلال کے کیس میں نئی پیش رفت

دوحہ:خلیجی ریاست قطر کے حکمران آل ثانی خاندان کی جیل میں قید ایک اہم شخصیت الشیخ طلال آل ثانی کے کیس میں ایک نئی پیش رفت سامنے آئی ہے۔ قطر کے حکمران خاندان کے ایک رہ نما الشیخ سعود بن جاسم آل ثانی نے انکشاف کیا ہے کہ الشیخ طلال آل ثانی پرجعلی الزامات کے تحت مقدمہ قائم کیا گیا ہے۔ ان پر الزامات عاید کرکے انہیں پھنسانے کی کوشش کی گئی تاکہ وہ اقتدار میں اپنا حصہ نہ مانگ سکیں۔ قطری حکمران اس ہر اس شخص پر جھوٹے الزام عاید کریے اسے پابند سلال کرتے ہیں جو بھی ان کی مخالفت کرنے کی جرات کرتا ہے۔میڈیارپورٹس کے مطابق الشیخ طلال آل ثانی کی اہلیہ اسما اریان نے کہا کہ جیل میں قید ان کے شوہر کی حالت تشویشناک ہے۔ ان کا کہنا تھا کہ دوران حراست ان کے شوہر کو بدترین تشدد کا نشانہ بنایا گیا اور ان کے ساتھ منظم انداز میں بدسلوکی کی گئی ہے۔ایک سوال کے جواب میں اسما اریان نے کہا کہ قطری حکومت کے کچھ لوگوں نے میری قطر واپسی پر الشیخ طلال کو رہا کرنے کی بات کی مگر قطری حکام مجھے اپنے شوہر سے کسی قسم کے رابطے کی اجازت نہیں دے رہے ہیں۔