وزیر اعلیٰ بلوچستان میر عبدالقدوس بزنجو تربت پہنچ گئے

تربت: وزیر اعلیٰ بلوچستان میر عبدالقدوس بزنجو تربت پہنچ گئے۔وہ تربت میں جاری ترقیاتی منصوبوں کا جائزہ لیں گے اور کمشنر آفس میں ترقیاتی منصوبوں پر بریفنگ لیں گے۔وزیر اعلی بلوچستان کے ہمراہ صوبائی وزراء اور مشیر بھی موجود ہیں۔تربت ایئرپورٹ پر صوبائی وزیر پی اینڈ ڈی میر ظہور احمد بلیدی، صوبائی وزیر سید احسان شاہ، صوبائی وزیر حیوانات و فشریز حاجی اکبر آسکانی، مشیر پی ایچ ای لالہ رشید دشتی، مشیر ترقی نسواں ماہ جبین شیران، کمشنر مکران شاہ عرفان غرشین، وزیر اعلی کے پی ایس کامران اسد، پی ایس او ٹو وزیر اعلی شے حق شھداد، ڈپٹی کمشنر کیچ نعیم گچکی، اسسٹنٹ کمشنر تربت عقیل کریم، اسسٹنٹ کمشنر دشت خرم خالد، چیف آفیسر میونسپل کارپوریشن تربت افضل شہزادہ، ڈی ایچ او ڈاکٹر رحیم بلیدی سمیت سرکاری افسران نے وزیر اعلی بلوچستان کا استقبال کیا۔