افغانستان میں لاپتا ہوجانے والی چاروں خواتین رضاکار رہا

نیویارک:اقوامِ متحدہ نے بتایا ہے کہ افغانستان میں کئی ہفتوں قبل لاپتا ہونے والی 4 خواتین رضاکاروں کو ملک کے عبوری حکمرانوں نے رہا کردیا۔میڈیارپورٹس کے مطابق تمنا زریابی پریانی، پروانہ ابراہیم خیل، زہرہ محمدی اور مرسل عیار طالبان مخالف ریلی میں شرکت کے بعد لاپتا ہو گئی تھیں لیکن افغانستان کے سخت گیر اسلام پسند حکمرانوں نے انہیں حراست میں لینے کی مسلسل تردید کی تھی۔افغانستان میں اقوام متحدہ کے امدادی مشن نے ایک ٹوئٹر پیغام میں کہا کہ ان کے ٹھکانے اور حفاظت کے بارے میں طویل عرصے تک غیر یقینی صورتحال کے بعد چاروں غائب افغان خواتین کارکنان کے ساتھ ساتھ ان کے لاپتا ہوجانے والے رشتہ داروں کو بھی عبوری حکمرانوں نے رہا کردیا۔