وزیراعظم کو مراسلے پر پارلیمنٹ میں بحث کرائی جائے، خالد مگسی

اسلام آباد (انتخاب نیوز) بلوچستان عوامی پارٹی (بی اے پی) کے پارلیمانی لیڈر خالد مگسی نے وزیراعظم عمران خان کو دھمکی کے معاملے پر پارلیمنٹ کو اعتماد میں لینے کا مطالبہ کردیا۔ خالد مگسی نے بتایا کہ انہوں نے وفاقی وزیر اسد عمر سے رابطہ کر کے کہا ہے کہ وزیراعظم کو مراسلے پر پارلیمنٹ میں بحث کرائی جائے اور دھمکی کے معاملے پر ہمیں آف دی ریکارڈ اعتماد میں لیا جائے۔ خالد مگسی کے مطابق اسد عمرکا کہنا تھا کہ وہ اس حوالے سے وزیراعظم عمران خان سے بات کریں گے۔