اپوزیشن کا نئے وزیراعظم کا انتخاب ایجنڈے میں شامل کرنے کا مطالبہ

اسلام آباد (انتخاب نیوز) متحدہ اپوزیشن نے نئے وزیراعظم کا انتخاب ایجنڈا میں شامل کرنے کا مطالبہ کردیا ا س ضمن میں اپوزیشن نے درخواست قومی اسمبلی سیکرٹریٹ میں جمع کرادی۔ درخواست میں اپوزیشن نے مطالبہ کیاکہ سپلیمنٹری ایجنڈا جاری کرکے نئے وزیراعظم کا انتخاب بھی ایجنڈا میں شامل کیا جائے۔اپوزیشن کی جانب سے درخواست سردار ایاز صادق، نوید قمر اور شازیہ مری نے جمع کرائی،درخواست قائد حزب اختلاف شہبازشریف کی جانب سے جمع کرائی گئی ہے۔سر دار ایاز صادق نے کہاکہ ہماری درخواست ہے کہ سپلیمنٹری ایجنڈا جاری کرکے نئے وزیراعظم کے انتخاب کو ایجنڈا میں شامل کیا جائے۔ انہوں نے کہاکہ تحریک عدم اعتماد کی کامیابی کی صورت میں نئے وزیراعظم کا انتخاب بھی ایجنڈا پر ہونا چاہیے۔