نوکنڈی واقعہ حکومت کی ناکامی ہے، محکمہ داخلہ وضاحت دے، جام کمال

کوئٹہ (انتخاب نیوز) بلوچستان عوامی پارٹی کے سربراہ وسابق وزیراعلیٰ بلوچستان جام کمال خان نے کہاہے کہ نوکنڈی واقعہ حکومت وانتظامیہ کی ناکامی ہے ،اسپیکر وڈپٹی اسپیکر اہم منصب لیکن اس طرح بدسلوکی ناقابل قبول ہے ،کسی سے مخالفت کرناٹھیک لیکن غیرمناسب رویہ نہیں ہوناچاہےے ۔ان خیالات کااظہار انہوں نے اپنے جاری کردہ بیان میں کیا۔ انہوں نے کہاکہ نوکنڈی المناک واقعہ مکمل سول انتظامیہ حکام اور صوبائی حکومت کی غفلت ہے۔وزیراعلی اور محکمہ داخلہ کو وضاحت کے لئے اسمبلی میں موجود ہونا چاہئے تھا اور انہیں کم از کم دو ہفتے پہلے اس معاملے کو حل کرنا چاہئے تھا،جام کمال خان نے کہاکہ اسپیکر اور ڈپٹی سپیکر کی جگہ بہت اہم ہے اس کی میز پر لوٹے رکھنا، کرسی کو جسمانی طور پر گالی دینا اور عہدے کی بے عزتی کرنا بالکل نامناسب ہے۔ اراکین مشتعل ہوتے ہیں اور بعض اوقات حد سے گزر جاتے ہیں لیکن کبھی بھی اسپیکر کی حیثیت سے جسمانی طور پر ان سے بدسلوکی نہیں کی جاتی ہے ہماری اپنی پارٹی ہے اور اپنے فیصلے ہیں اس لیے ہم کسی کے پابند نہیں ہیں۔ کسی کی مخالفت کرنا ٹھیک ہے لیکن اسپیکر کی کرسی اور عہدہ کیلئے مناسب نہیں ہے ۔