کابل،شہر کے شمالی علاقے میں کار بم دھماکہ، 2 افراد جاں بحق

کابل (مانیٹرنگ ڈیسک) افغان حکام نے کہا ہے کہ افغانستان کے دارالحکومت میں کار میں دھماکے سے دو افراد ہلاک ہوئے چند روز کے دوران یہ ملک میں تیسرا جان لیوا دھماکا ہے۔ غیر ملکی خبر رساں اداروں کی رپورٹ کے مطابق کابل کمانڈر کے ترجمان خالد زدران کا کہنا ہے کہ دھماکا شہر کے شمالی علاقے میں ہوا جس میں شہری کی گاڑی کو نشانہ بنایا گیا، یہ بات اب تک واضح نہیں ہوسکی ہے کہ واقعے کے پیچھے کون تھا اور اس میں کسے نشانہ بنایا گیا تھا۔ یہ دھماکا ہفتے کو سکھ گردوارے میں ہونے والے دھماکے کے بعد ہوا جس میں 2 افراد ہلاک ہوئے تھے۔ افغان اہلکار کا کہنا ہے کہ انہوں نے گزشتہ سال اگست میں اقتدار سنبھالنے کے بعد ملک میں سیکیورٹی کی صورتحال کو بہتر کیا ہے لیکن متعدد تجزیہ کاروں کا کہنا ہے کہ عسکریت پسندوں کی جانب سے تشدد کا خطرہ برقرار ہے جبکہ حالیہ مہینوں میں متعدد جان لیوا دھماکے بھی ہوچکے ہیں۔