کورونا وائرس کے مریضوں کا اعلاج کرنیوالے اسپتال میں آگ بھڑک اٹھی، 1مریض ہلاک

روس کے دارالحکومت ماسکو میں کورونا وائرس کے مریضوں کا علاج کرنے والے اسپتال میں آگ بھڑک اٹھی جس کے نتیجے میں ایک مریض ہلاک ہو گیا۔اسپتال کے ترجمان کے مطابق ماسکو کے شمال مغرب میں واقع کورونا وائرس کے مریضوں کا علاج کرنے والے اسپتال میں سب سے پہلے ایک مریض کے کمرے میں آگ بھڑکی جسے بعد ازاں ریسکیو حکام کی مدد سے بجھایا گیا۔ترجمان کے مطابق اسپتال میں آگ لگنے سے ایک مریض ہلاک ہوا جب کہ 200 سے زائد مریضوں کو بحفاظت باہر نکالا گیا۔اس ضمن میں ماسکو کے میئر سرگئی سوبیانین نے اپنے ٹوئٹر پیغام میں لکھا کہ تمام مریضوں کو اسپتال سے نکال لیا گیا اور انہیں دوسرے اسپتالوں میں منتقل کر دیا جائے گا۔ان کا مزید کہنا تھا کہ آگ لگنے کی وجہ کے حوالے سے تفتیش کی جا رہی ہے۔خیال رہے کہ روس میں کورونا وائرس سے متاثرہ مریضوں کی تعداد تقریباً 2 لاکھ تک پہنچ چکی ہے جب کہ وائرس سے ہونے والی ہلاکتوں کی تعداد 1800 سے زائد ہے۔
Load/Hide Comments

اپنا تبصرہ بھیجیں