سلمان خان نے قتل کی دھمکیاں ملنے کے بعدحفاظت کےلئے بلٹ پروف گاڑی خرید لی

ممبئی(مانیٹرنگ ڈیسک) بالی ووڈ کے ”سلطان“ سلمان خان نے قتل کی دھمکیاں ملنے کے بعد خود کی حفاظت کے لیے بلٹ پروف گاڑی خرید لی ہے۔بھارتی میڈیا کی رپورٹ کے مطابق ا?نجہانی گلوکار سدھو موسے والا کے قتل کے بعد سلو میاں کو بھی قتل کی دھمکیاں ملیں جس کے پیش نظر اداکار اپنی سیکورٹی پر سخت توجہ دے رہے ہیں۔رپورٹ میں بتایا گیا کہ دبنگ خان نے نئے ماڈل کی بلٹ پروف گاڑی تو نہیں لی تاہم یہ پرانی گاڑی اداکار اور ان کے خاندان کو کسی بھی حملے سے محفوظ رکھے گی۔حالیہ دنوں اداکار نے اسلحے کے لائسنس کے حصول کیلئے بھی ممبئی پولیس اسٹیشن میں اپنی درخواست جمع کرائی تھی۔واضح رہے کہ سلمان اپنی اور خاندان کی حفاظت کے لیے ہرممکن اقدامات اٹھا رہے ہیں۔