صدر مملکت کی جانب سے بلوچستان میں قیدیوں کی سزاؤں میں کمی کا اعلان

کوئٹہ (انتخاب نیوز) یوم آزادی پر صدر مملکت ڈاکٹر عارف علوی نے بلوچستان میں قیدیوں کی سزاؤں میں کمی کا اعلان کیا ہے 65سال اورزائد عمر کے مرد قیدی جو 15سال یا زیادہ قید کاٹ چکے ہیں ان کو بقیہ سزا میں مکمل چھوٹ دی گئی ہے ایسی خواتین قیدی جو ساٹھ سال اور زائد عمر کی ہیں اور 10سال یا زیادہ قید کاٹ چکی ہیں، ان کیلئے بھی بقیہ سزا میں مکمل چھوٹ کا اعلان کیا گیا ہے سزا کا تین چوتھائی حصہ کاٹنے والے اور 20سال کی قید مکمل کرنے والوں قیدیوں کو بھی مکمل چھوٹ ہو گی سزاؤں میں کمی کا اطلاق سزائے موت، جاسوسی، گینگ ریپ، بینک ڈکیتی، ریاست مخالف سرگرمیوں، زنا، اغوا اور ڈکیتی کے مجرموں پر نہیں ہوگا۔