شدید بارشیں، عوامی نیشنل پارٹی کا بلوچستان کو آفت زدہ قرار دینے کا مطالبہ

کوئٹہ (انتخاب نیوز) عوامی نیشنل پارٹی کے صوبائی بیان میں صوبے کو آفت زدہ قراردینے کامطالبہ کرتے ہوئے کہا گیا کہ گزشتہ ڈیڑھ مہینے سے جاری غیر معمولی طوفانی بارشوں اس کے نتیجے میں سیلابی ریلوں سے صوبہ بھر کے انفراسٹرکچر زرائع آمدن بری طرح متاثر ہوا نہ صرف یہ کہ انفراسٹرکچر کو شدید زیان پہنچاہے بلکہ قیمتی انسانی جانیں سیلابی ریلوں کی نذر ہوچکے صوبائی حکومت اس حوالے سے سنجیدگی کا مظاہرہ کرتے ہوئے وفاقی حکومت اور بین الاقوامی رفاہی اداروں سے ہنگامی بنیادوں پر خصوصی پیکیج اور امداد کی اپیل کریں عوامی نیشنل پارٹی کیصوبائی دفتر باچاخان مرکز سے جاری کردہ صوبائی بیان میں غیر معمولی بارشوں سیلابی ریلوں سے پہنچنے والے قیمتی انسانی جانوں کے ضیاع ذرائع آمد ورفت،زراعت گلہ بانی گھروں کو پہنچنے والے شدید نقصانات پر گہرے رنج وغم کا اظہار کرتے ہوئے کہا گیا ہے کہ صوبائی حکومت صوبہ بھر کو آفت زدہ قرار دیکر متاثرین کی داد رسی کو ممکن بنایا جائے اس وقت صوبہ بھر کو ہر شعبے میں ناقا بل تلافی نقصان پہنچاہے انفراسٹرکچر گھروں زراعت گلہ بانی کی صنعت بری طرح تباہ ہوچکاصوبے کی باقی صوبوں سے زمینی رابطہ سڑک اور ریلوے ٹریک دونوں صورتوں میں کٹ چکا صوبے میں قومی شاہراہیں رابطہ سڑکیں اور پل سیلابی ریلوں میں بہہ چکے جس کی وجہ سے صوبے کے تمام اضلاع میں اشیا ضروریہ کی قلت پیدا ہو چکی بیان میں کہا گیا کہ صوبے کے لوگوں کی واحد زریعہ معاش زراعت اور گلہ بانی کو ان طوفانی بارشوں سے بہت زیادہ زیان پہنچا ہے لہذا صوبائی حکومت ایمر جنسی بنیادوں پر وفاقی حکومت سے متاثرین کی داد رسی کیلئے خصوصی پیکیج کا مطالبہ کریں اور ساتھ ہی ساتھ بین الااقوامی رفاہی اداروں سے انسانی ہمدردی کی بنیاد پرصوبے میں طوفانی باد و باراں اور سیلابی ریلوں سے پہنچنے والے نقصانات کے ازالے کیلئے امداد کی اپیل کریں۔