یورپین یونین کا 166 پاکستانی طلبہ کےلئے اسکالر شپ کا اعلان

برسلز (مانیٹرنگ ڈیسک) یورپین سکالر شپ پروگرام کے تحت اس سال 166 پاکستانی طلبہ و طالبات یورپین یونیورسٹیوں میں تعلیم حاصل کریں گے۔میڈیارپورٹس کے مطابق یورپین یونین اور پاکستان کے درمیان تعلقات کی تاریخ میں ایرازمس منڈس جوائنٹ ماسٹر پروگرام کے تحت اسکالر شپ پر یورپ آنے والے طلبا کا یہ سب سے بڑا گروپ ہے جس میں 86 طلبہ اور 80 طالبات شامل ہیں۔دوسری جانب بیلجیئم اور لکسمبرگ کیلئے پاکستانی سفیر ڈاکٹر اسد مجید خان نے اس اقدام پر یورپین یونین کا شکریہ ادا کرتے ہوئے امید ظاہر کی کہ یورپ اور پاکستان کے درمیان تعلیمی میدان میں تعاون میں مزید اضافہ ہوگا۔