ٹی 20 ورلڈ کپ، نیوزی لینڈ نے آسٹریلیا کو 89 رنز سے ہرا دیا

سڈنی (مانیٹرنگ ڈیسک) ٹی20 ورلڈکپ کے سپر 12 مرحلے کے پہلے میچ میں نیوزی لینڈ نے میزبان آسٹریلیا کو 89 رنز سے شکست دیدی۔ سڈنی میں کھیلے گئے میچ میں نیوزی لینڈ کے اوپنر فن ایلن نے ابتداءمیں جارحانہ کھیل پیش کیا اور محض 16 گیندوں پر 42 کی اننگز کھیلی جس میں 5 چوکے اور 3 چھکے شامل تھے، ڈیون کانوے نے انکا بھرپور ساتھ دیا۔ فن کے آو¿ٹ ہونے کے بعد کپتان کین ولیمسن 23، گلین فلپس 12 رنز بناکر نمایاں رہے جبکہ ڈیون کانوے نے 53 گیندوں پر 81 رنز کی اننگز کھیلی، انہوں نے 6 چوکے اور 2 چھکے لگائے۔ آسٹریلیا کی جانب سے کوئی بالر خاطر خواہ کارکردگی دکھانے میں کامیاب نہ ہوسکا، جوش ہیزل ووڈ نے 2 جبکہ ایڈم زمپا نے ایک وکٹ حاصل کی۔ ہدف کے تعاقب میں آسٹریلوی ٹیم کا آغاز نہایت مایوس کن رہا، کینگروز کی ٹیم ہوم گراﺅنڈ میں 20 اوورز بھی نہ کھیل سکی، 17.1 اوورز میں 111 رنز بناکر آل آو¿ٹ ہوگئی۔ اوپنر ڈیوڈ وارنر 5، کپتان ایرون فنچ 13، مچل مارش 16، مارکس اسٹونس 7، ٹم ڈیوڈ 11 اور میتھیو ویڈ 2 رنز بناسکے۔ کینگروز کی جانب سے گلین میکسویل نے 28 رنز کی مزاحمتی اننگز کھیلی۔ کیوی بالرز کی جانب سے مچل سینٹنر نے 3، ٹم ساﺅتھی اور ٹرینٹ بولٹ نے 2، 2 جبکہ لوکی فرگوسن اور ایش سودھی نے ایک ایک وکٹ حاصل کی۔