اسرائیلی فوج کے فائرنگ سے ،خاتون سمیت 4افراد جاں بحق

بیت المقدس: مغربی کنارے میں اسرائیلی فوج کی فائرنگ سے معمر خاتون سمیت 4 فلسطینی جاں بحق ہوگئے۔ غیر ملکی خبر رساں ادارے کے مطابق اسرائیلی فوجیوں نے مغربی کنارے میں واقع جینین مہاجرکیمپ میں فائرنگ کی جس کے نتیجے میں معمر خاتون سمیت 4 فلسطینی جاں بحق ہوگئے۔فلسطینی وزارت صحت کے حکام کا کہنا ہے کہ اسرائیلی فوج کی فائرنگ سے مزید 13 افراد زخمی ہوئے جن میں سے 3 کی حالت نازک ہے۔ایک اور واقعہ میں اسرائیلی فورسز نے حنین کے سرکاری اسپتال پر دھاوا بول دیا اور آنسو گیس کی شیلنگ کی جس سے متعدد مریضوں اور ان کے تیمارداروں کی حالت غیر ہوگئی۔ اسرائیلی فوج کے اہلکاروں نے تسلیم کیا ہے کہ ان کی فورسز مغربی کنارے میں فلسیطینوں کے خلاف کارروائیاں کررہی ہیں۔